Monday, September 22, 2014

Hima Diya Vee Himalaye

හිම දියවී හිමාලයේ....



සුභාවිත ගීත සාහිත්‍යයේ ඇති ගීත අතලොස්ස අතුරින් ඉතා අලංකාර ගීතයක් ලෙස මෙම ගීතය හැඳින්විය හැක. සුභාවිත ගීතයේ ඇති විශේෂත්වය නම් සංගීතය ඉතා මිහිරිය. ශ්‍රවණයෙන් රෝග පවා සුව කළ හැක. අරුත ඉතා ගැඹුරුය. රසිකයා වෙත කෙලින්ම ඉදිරිපත් නොකරයි. භාව රසයද ඉතා ඉහළය. හිම දියවී හිමාලයේ, ගීතයට හඬ මුසු කරන්නේ ගායන ශිල්පී අමරසිරි පීරිස් සමඟින් ශිල්පිනී වසන්තා තිලකාංගනීය. එතරම් ජනතාව අතරට නොගියද අර්ථ, භාව රසය ප්‍රිය කරනා රසිකයන්ගේ හද බැඳගත් ගීතයකි.


සදාතනික ආදරවන්තයන් වූ රාධා සහ ක්‍රිෂ්ණා යොදා ගනිමින් ප්‍රේමයේ හිනිපෙත්තටම නැග ශුංගාරය පිළිබඳ ඉදිරිපත් කරයි. රාධා සහ ක්‍රිෂ්ණා යනු ඉන්දියානු දේව සංකල්පයක් බැවින් හිමාලයද යොදා ගෙන ඇත. නමුත් ඒ උපමා සඳහා පමණි. මේ ගීතයට සවන් දෙන ඔබ විසින් චිත්ත රූප මවා ගත යුතුය.

හිම දියවී හිමාලයේ

යමුනා ගඟ නගයි තරංගා..
සුදු පෙණ කැටි බලන්න රාධා..
සුළඟ හමයි සීතල සාදා..
සීතල ගිනි ගනීද ක්‍රිෂ්ණා..

අප කවුරුත් දන්නා පරිදි හිමාල කඳු වැටිය හිමෙන් වැසුනු ශිඛරයන්ගෙන් පිරි ඉතා සිත් ඇද ගන්නා දසුනකි. යමුනා ගඟේ ආරම්භය හිමාලය බැවින් දිය වන හිම යමුනා ගඟේ ජල ප්‍රවාහය වර්ධනය කරයි. ඉන් අලංකාරවත් රළ පෙළක් දැකිය හැකිය. හිම දිය වන්නේ කුමක් නිසාද. උණුසුම නිසාය. රාධා සහ ක්‍රිෂ්ණාද ප්‍රේමයෙන් මත් වී උණුසුම් වී ඇති බව ව්‍යංගයෙන් අපට කියාපායි. යමුනා ගඟ අසබඩ ඇති ගල් තලාවක් මත වැතිර සිටින ඔවුන් දෙදෙනාට ගලින් ගල වැදී විසිරී සුදු පෙණ කැටි විසිරෙන අයුරු පෙනෙන අතර දසතින් හමා එන සීත සුළං රැල්ල ගත හිරිවට්ටමින් ඇදී යයි. රාධා ක්‍රිෂ්ණාගෙන් අසන්නේ මේ සීතල උනුසුමකටම පෙරලෙන්න බැරිද කියාය. එනම් මේ සීතල නිසාම රාගික හැඟීම් ඔබේ සිතට නොඑන්නේද යන්නයි. 

සිනා රැලි නගා උතුරණ
ඔය හදවත් නීල ජලාසේ..
පීණන මේ ස්වර්ණ හංසයෝ..
අකීකරුද මෙතරම් රාධා..


හදවතේ ඇති සතුට කෙතරම්දයත් සිනා රැළි නගමින් උතුරා යන ඇගේ වත සහ ගත නීල ජලාශයක් මෙන් ඒ මේ අත ඇඹරෙයි. ඇගේ ළැම චලනය වන්නේ ඒ රැළි නඟනා නීල ජලාශයේ පිහිනා  යන ස්වර්ණ හංසයන් මෙන්ය. ඇත්තෙන්ම දුටු පමණින් සිත තුළ රාගය උතුරා යවන්නා වූ මේ ස්වර්ණ හංසයන් යුගල මෙතරම් අකීකරුද. ඉන් පෙන්වන්නේ ඇගේ ලැම කෙතරම් සිත ආකර්ෂණය කරන්නා වූ අපූරු දසුනක්ද යන්නයි.

ඉඩ දී දෙන්නට දඩුවම්
දෑස පියා ගන්නම් ක්‍රිෂ්ණා..

ඉඩ දී දෙන්නට දඩුවම්, යනුවෙන් ව්‍යංගයෙන් පවසන්නේ, මාගේ ලැම හංසයන්ට ඔබ කැමති ඕනෑම දුවමක් දීමට නැති නම් රිසි සේ හැසිරවීමට ඉඩ දී දෑස පියාගෙන ඒ සුව විීමට සූදානම් බවය.

මල් පෙති පොඩිවී ඉකිලන
මේ හෝපලු යහන් තලාවේ..
සඳ දිය මිණිමෙවුලට වැටිලා..
දෑස නිලංකාරයි රාධා..


ඔහු ඇය මත වැතිර සිටියි. එය හැඟවීමට යොදාගෙන ඇත්තේ මල් පෙති පොඩි වී ඇති බවය. මල් පෙති පොඩි වී ඇත්තේ දෙදෙනාගේ සිරුරු දෙකට මැදි වීමෙනි. මේ යහන් තලාවේ සුවසේ වැතිර සිටින ඔවුනට හැඟෙන්නේ සඳ එළිය දිය දහරාවක් සේ මැණික් වට්ටියකට වැටී දිලිසෙන්නාක් මෙනි. ඇත්තෙන්ම ඒ කුමක්ද. සඳ එළිය වැටී මිණි මෙන් දිලිසෙන්නේ ඇගේ ශෝභමාන ගතයි. ඉන් මත් වන ක්‍රිෂ්ණාගේ දෑස් මත් වී නිලංකාර වී යයි.

ගිලිහී ගියදෙන් මිණි කැට
දෑස වසා ඉන්නම් ක්‍රිෂ්ණා..


මිණි කැට ඉතා වටින්නේය. මිණි දුටු කල එය හැර යන්නේ කවරෙක්ද. මිණිකැට ගිලිහි ගියද සිත වෙනස් නොකර මත් වූ ලෝකයේ අප දෙදෙනා පීනා යමු. ඇත්තෙන්ම ඔවුන් රාගයේ උපරිම තලයට පැමිණ ඇත. ඒ උපරිම සුවය විඳිමින් මා දෑස වසාගෙන ඔබේ පහස මෙසේ විඳින්නම්.



ගායනය           : අමරසිරි පීරිස් සමඟින් වසන්තා තිලකාංගනී
පද රචනය        : ධම්මික බණ්ඩාර
සංගීතය            : ඩැනිස්ටර් පෙරේරා



Click here to download MP3




14 comments:

  1. මා සිතුවේත් මෙයට බොහෝ සෙයින් සමාන ආකාරයකටය,හොඳ ලිපියක්.

    ReplyDelete
  2. pls share the meaning of the song:
    Hitha mithuru sulaga laga ena vahi walawata kiyan

    ReplyDelete
  3. රූ රැසේ අඳිනා ලෙසේ අත් ලෙල දිදී විදුලිය පබා
    රන් රසේ එක්වන ලෙසේ වෙණ නාද නූපා තබ තබා
    කම්පසේ දෙන සැර ලෙසේ දෙස බල බලා නෙතඟින් සබා
    මං කෙසේ පවසමි එසේ වර සුර ළදුන් දුන් රඟ සොබා

    පුන් මදාරා මල් දමින් යුතු දිගු සුනිල් ගොතා
    මන් නදා කිතුලිය ලෙසින්උර තුර සරා දිලි මුතු ලතා
    මන් නදා වන මිණී මෙවුල් නද වෙණ නදින් එක්කොට ඉතා
    උන් එදා දුන් රඟ දුටොත් තව සක් සැපත් කවරෙක් පතා

    පිපි සමන් කුසුමන් පටින් තන රන් හසුන් මෙන් මන් බැඳේ
    ලඹ සවන් දිගු රන් පටින් දන නෙත් නුවන් බඳීමින් තදේ
    මද පවන් වැද ලෙළ පහන් සිළු මෙන් රැදුම් දෙන රන් බඳේ
    දෙවි වුවන් රූසිරි නුවන් බඳූ බඹ වුවත් දැහැනින් මිදේ
    බඳූ බඹ වුවත් දැහැනින් මිදේ....

    meaning of this song

    ReplyDelete
  4. Hitha mithuru sulaga - vicktor rathnayake

    ReplyDelete
  5. This comment has been removed by the author.

    ReplyDelete
  6. Awuwe Yana anganunne waruwaka weda netha inne .... Geethaye theruma mokakda

    ReplyDelete
  7. මෙතන අර්තය වෙනස් වෙන්ඩ ඕන කියලයි මට හිතෙන්නෙ මෙ වෙදියට සද දිය -සදෙ ‍රැස් නැමති වතුර මිනිමෙවුලට වැටිල එ කියන්නෙ කාන්තාවන්ගෙ යෝනි ප්ර්දෙසය ආවරනයට පලදින මනි මේකලාවය. එක හදල තියෙන්නෙ මැනික්වලින් සද ‍රැස් මැනික්වලට වැටෙන විට ඇතිවෙන දීප්තිමත් කාන්තිය නිසයි ක්‍රිස්නගේ දැස් නිලන්කාර වෙන්නෙ.මේ වෙලවේ දෙන්නම ඉන්නෙ හොදටම රගයෙන් මත්වෙල ඉතින් රාදා කියනවා ගිලිහි ගියදෙන් මිනිකැට මනි මේකලාවයෙ තියෙන මැනික් ගැලවිල ගියපුවාවෙ එකට කමක් නැ සාමාන්යෙන් මනිමෙකලවය ගොඩක් වටිනවා. ඉතින් මෙතරම් දෙයක වටිනකම ඇයි රාදට දැනෙනෙ නැත්තෙ.එ තරමට රගයෙන් මත් වෙල.එක ගලවල ඉවත් කරා නම් එකෙ මැනික් ගිලිහෙන්නෙ නැ ඉතින් රදා කියන්නෙ එක කඩල හරි කමක් නැ ඉවත් කරන්න කියන එක නෙමෙද?

    තව තැනනක මෙ මිනි මෙවුල ගැන සදහන් වෙන ඒ තමයි හන්ස සන්දේසයෙ එන දියකෙලි වර්නනවෙ කාන්තවන් ජල ක්‍රිඩා කරද්දි මාලුවන් කන්තවන්ගෙ මිනිමෙවුල දියසෙවල කියල ‍රැවටිල ඇවිත් හපනව ( විවිද වර්ගයෙ මෙනික් වතුර යට පෙන්නෙ දිය සෙවල වගෙ මාලු දියසෙවල වලට කෙමතිනේ) එතකොට එ කන්තවගෙ ඇග වෙවුලල ගිහින් බියට පත්වෙනව.මිනිමෙයුල පලදල තියෙන්නෙ සරිරයෙ කොටසකට එක හපද්දි කොහොමද ඇග වෙවුලන්නෙ ඇත්තටම කවිය වියන්ගයෙන් කියන්නෙ කාන්තවගෙ අනන්ගයගෙ ක්‍රිඩාපිටිය හෙවත් යොනි ප්ර්දෙසය හැපුව කියන එක නේද.එ කවිය මට මතක විදියට මෙහෙම ලියන්නම්

    මසෙක් ගොදුරු පතා -මෙවුලේ මිනිගතා
    එලදුන් බිය පතා -ගත වෙවුලුම් ගතා
    එමතු නොවෙයි ඉතා -මින් සෙවලැයි සිතා
    කොමලගනන් මුතා -සරල් වරල් ගතා.

    මෙතනදීත් මිනිමෙවුල කියන්නෙ මනිමෙකලවට මැනික් වට්ටියකට නෙමෙ මම දන්නා තරමින්

    ReplyDelete
  8. මල් පෙති පොඩිවී ඉකිලන
    මේ හෝපලු යහන් තලාවේ..
    සඳ දිය මිණිමෙවුලට වැටිලා..
    දෑස නිලංකාරයි රාධා.
    මෙතන දි හෝ පලු කියන ගස්වල (හිමාලයේ බහුලව තියෙන ගොඩාක් සුවදවත් මල් වර්ගයක්) මල් පෙති බිම වැටිල ඒක හරියට හොපලු මල් යහනවක් වගෙ දෙන්නා වෙතිරිලා ඉන්නෙ මෙ මල් යහනෙ කොයිතරම් සුන්දර මොහොතක්ද මල් යහනවක් මත රමනයෙ යෙදීම. මල් පෙති ගොඩාක් සියුමැලි හරියට කාන්තාවන්ගෙ දෙකොපුල් වගෙ මෙ සියුමැලි මල්වල්ට රාදගෙ හා ක්‍රිස්නගෙ දැගලිල්ල දරාගන්න බැරි නිසයි අඩන්නෙ.
    මල් පෙති පොඩිවී ඉකිලන යනුවෙන් කියන්නෙ දෙදෙනාගෙ සරීර දෙකට මැදිව පොඩි වී නොව මෙ දෙදෙනා‍ඟෙ සරීර දෙකට යට වූ මල් පෙති එ කියන්නෙ හෝ පලු ගහෙන් බිමට වැ‍ටුන මල්පෙති රති ක්‍රිඩාව කරන්නෙ බිම තමයි හැබැයි මෙ බිම දෙන්නා මල් යහනවක් කරගන්නෙ මල් පෙති නිසා. සරිර දෙකට මෙදිවෙනවනම් එක යහනවක් වෙන්නෙ කොහොමද කියල ප්ර්ස්නයක් එනව?

    ReplyDelete
  9. ඉඩ දී දෙන්නට දඩුවම්
    දෑස පියා ගන්නම් ක්‍රිෂ්ණා

    මෙ වගේම රන් හන්සයන්ගෙ දඩුවම් ගැන සන්ස්කෘත මහා කව්යක් වන සෞන්දරනන්ද මහා කාව්යෙ සුන්දරි නන්දට කියනව ඔයා එනකම් මම බලගෙන ඉන්නවා. ඇගෙ ගල්වලා තියෙන චන්දන ආලේප වේලෙන්ඩ කලින් එන්නඔ ඕන. පරක්කු උනොත් සුන්දරිය නන්දට කියනවා දෙන දඩුවම තමයි මම මගෙ ඉදිරියට නෙලා ආ මගෙ උල් පියයුරු වලින් ඔයට නිදාගන්න දෙන්නෙ නෙතුව පිටට ඇනල ඇහෙරවනවා එක තමය් නන්දට දෙන දඩුවම තව ගොඩක් දඩුවම් එ පොතේ තියෙනවා කෙමති අයට බලන්න පුලුවන් .බලන්ඩ කොච්චර් සුන්ගරාත්මකද කියල එ අදර කතව කොච්චර ලස්සන උනත් නන්දට සුන්දරිය බලන්න එන්න වෙන්නෙ නෙ . ගොඩක් දුක හිතෙන අදර කතවක් මෙන්න මෙ සිදුවීම මුල් කරගෙන තමයි

    නව දැලි හේනක පැව වැදිරිරුව ලෙස උවමින් දෙනුවන් රවටා
    මා පෙම්කල ජනපද කල්යානිට හිමියනි මට කල නොහැක නිගා කියන සින්දුව ලියලා තියෙන්නේ

    ReplyDelete